|
келиб чиқиб, оқибати жуда ёмон бўладиган енгилликни ёқтиришини айтиб ўтади.
Маъно қуйидагича бўлади: Эҳтимол сизлар жиҳоддаги машаққатни ёмон кўрарсизлар, аслида эса у сизлар учун яхшиликдир. Чунки у нусрат ва иззат йўлидир, Исломнинг бутун дунёга ёйилиши шу йўл билан бўлади. Бу йўл икки гўзал оқибатнинг бирига олиб боради. Ё ғалаба ёки шаҳидлик! Эҳтимол сизлар бемалолликни, уришмасликни ёқтирарсизлар, аслида эса у сизлар учун ёмонликдир. Негаки, у хорлигу зорликка, душман қаршисида оёқ ости бўлишга, душман томонидан топталишга олиб боради.
Агар кўнгил кўчасига юрадиган бўлсангизлар, адашасизлар. Агар Аллоҳнинг фарзига эргашадиган бўлсангизлар, ғолиб, музаффар бўласизлар. Аллоҳ Таоло ғайб ишларини билгувчи Зотдир.
وَاللّهُ يَعْلَمُ وَأَنتُمْ لاَ تَعْلَمُونَ
(Аллоҳ билур, сизлар билмассиз).
2. Иккинчи оятда уруш ҳаром қилинган ойда жанг қилиш жоизми, деган саволга жавоб бериляпти. Аллоҳ Таоло баён қиляптики, уруш ҳаром қилинган ойда жанг қилиш катта гуноҳдир. Лекин ундан ҳам каттароқ гуноҳ бу мушрикларнинг қилаётган ишларидир. Улар Аллоҳга куфр келтирдилар, Аллоҳнинг йўлидан ва Масжидул Ҳаромдан одамларни тўсдилар. Шунингдек, Пайғамбар с.а.в.ни ва мўминларни ундан чиқариб юбордилар, ҳайдадилар. Мўминларни динидан қайтариш учун мушрикларнинг куч сарфлаши уруш ҳаром қилинган ойда жанг қилишдан кўра каттароқ гуноҳдир.
Шундан сўнг Аллоҳ Таоло баён қиляптики, кофирлар то мўминларни динидан қайтармагунларича улар билан жанг қилишни ташламайдилар. Агар қодир бўлсалар, албатта. Лекин улар Аллоҳнинг изни ила бу ишга ҳеч қачон қодир бўлмайдилар.
Аллоҳ Таоло оятни динидан қайтиб, кофир ҳолида ўлиб кетадиган одамнинг қилган ишлари дунёю охиратда ҳабата кетишини, ўзи дўзах аҳлидан бўлиб, у ерда абадий қолишини айтиш билан якунлаяпти.
يَسْأَلُونَكَ عَنِ الشَّهْرِ الْحَرَامِ قِتَالٍ فِيهِ
(Сиздан «шаҳри ҳаром» — уруш ҳаром бўлган ойда жанг қилиш ҳақида сўрайдилар). Яъни, сиздан уруш ҳаром қилинган ойларда жанг қилиш ҳақида сўрайдилар. (قِتَالٍ فِيهِ ) ибораси уруш ҳаром қилинган ойдан бадали иштимолдир, яъни уруш ҳаром қилинган ойга алоқадор ишдир.
Бу саволни берганлар Қурайш кофирларидан бўлган вакиллар эди. Зуҳрий Урвадан ривоят қилишича, улар Пайғамбар с.а.в.нинг олдиларига келишиб, уруш ҳаром қилинган ойда ҳам жанг қилиш
196-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208